Мэдээ Мэдээлэл

Аймгийн Хүүхдийн нэгдсэн шинэ жил зохион байгуулагдлаа

Published

6 years ago

December 31, 2015

Жил бүр уламжлал болгон зохион байгуулдаг хүүхдийн нэгдсэн шинэ жилийг 12 дугаар сарын 28-нд Хан Хэнтий чуулгад зохион байгууллаа. Шинэ жилийн ерөнхий зохион байгуулагчаар Хүүхэд гэр бүлийн хөгжлийн хэлтэс, хамтран зохион байгуулагчаар Аймгийн Засаг даргын тамгын газар, Дэлхийн зөн Монгол ОУБ-ын Хэнтий нутгийн хөгжлийн хөтөлбөр ажилласан бөгөөд арга хэмжээний хүрээнд ерөнхий боловсролын сургуулиудын авьяаслаг сурагчдын тоглолт, оны шилдэг хүүхэд шалгаруулах арга хэмжээ, шилдэг сурагчдад өвлийн өвөөгийн бэлэг гардуулах, азтан тодруулах зэрэг арга хэмжээнүүд зохион байгуулагдлаа. Энэ жил оны шилдэгүүдээр дараах хүүхдүүд тодорлоо.

Шилдэг оюунлаг- Д.Эрдэмтөгс /Бор-Өндөр /

Шилдэг авьяаслаг- Г.Барсболд / Дадал/

Шилдэг авьяаслаг- Ч.Оюундарь / Хэрлэн 1 сургууль/

Шилдэг манлайлагч- А.Энхнаран /Хэрлэн 1 сургууль/

Шилдэг өв уламжлагч- Д.Болор-Эрдэнэ /Хэрлэн 4 сургууль/

Шилдэг бүтээлч- Г. Хатансайхан / Хэрлэн IV/ нар тус тус шалгаран шагналаа гардаж авлаа.

Шинэ жилийн арга хэмжээнд аймгийн засаг дарга Ж.Оюунбаатар тэргүүтэй аймаг орон нутгийн удирдлагууд оролцож оны шилдэг хүүхдүүдийн шагналыг гардуулж баяр хүргэсэн.

Мөн тоглолтонд шилдэг авьяаслаг 130 орчим хүүхэд оролцсон.

Ерөнхий найруулагчаар Хан Хэнтий чуулгын уран сайхны удирдаач МУСТА Ц.Оюунбаатар ажилласан бөгөөд тоглолтыг нийт 750 орчим хүүхэд үзэж оролцлоо.

Мэдээ Мэдээлэл

Хүүхдийн өөрөө удирдах байгууллагын үйл ажиллагааг дэмжив

Published

2 years ago

December 17, 2019

Nyamkhuu khentii

ЗГХАгентлаг Гэр бүл, хүүхэд, залуучуудын хөгжлийн газрын даргын А/266 дугаар тушаалаар батлагдсан “Хүүхдийн хөгжил, оролцооны байгууллага, клуб”-үүдийн үйл ажиллагааг дэмжих ажлыг 2019 оны 11 дүгээр сард зохион байгуулж 5 төсөл шалгарууллаа.

👩‍💼Төслийн уралдаанд: 👨‍🏫 Хэнтий аймгийн Жишиг сургууль Тэмүүжин цогцолбор сургуулиас:
1. Охидын зөвлөл- #Сургууль_ялгаварлалгүй_орчин
2. Өсвөрийн улаан загалмай– #Анхны_тусламж_бусдын_амь_насыг_аварна
3. Өсвөрийн цагдаа –#Хүүхэд_хүүхдэдээ_туслая
4. Хүслэн хоуз – #Бид_чадна
5. Тэмүүлэл бүлгэм – #Илүү_их_аз_жаргал зэрэг 5 байгууллагын 5 төсөл шалгаран тус бүр 250 мянган төгрөгийн санхүүжилт авч чадсан юм.

👩‍💼ТӨСЛИЙН ХҮРЭЭНД:
🙋‍♂️Сургуулийн охидын зөвлөлийн гишүүдээр дамжуулан хүүхдийн эрхийн тухай хуулинд тулгуурлаж, сургуулийн орчин дахь хүүхэд хамгаалал, үе тэнгийн дарамт, ялгаварлан гадуурхалтын эсрэг сургалт
🙋‍♂️Өсвөр насны хүүхдүүдийн өмнө тулгамддаг асуудлуудын хүрээнд сургуулийн 10-12 дугаар ангийнхнийг зөв хандлагад уриалах үүднээс шторкын уралдаан
🙋‍♂️Өсвөр насны хүүхдүүдийн өмнө тулгамддаг асуудлуудыг шийдвэрлэх, тэдний бухимдлыг арилгах, стрессийг тайлах үүднээс эерэг хандлагатай байх, өөдрөг байхыг уриалсан урмын үгс бүхий номын хавчуургуудыг хийсэн байна.

🎊Шалгарсан 5 төслийн 3 нь үйл ажиллагаагаа эхлүүлсэн бөгөөд 2 төсөл нь үйл ажиллагаагаа эхлүүлэх шатандаа явж байна. Өнөөдрийн байдлаар 3 төсөлд 1198 сурагч хамрагджээ🎊 🥳Хүүхдийн оролцооны байгууллагын бүтээлч хүүхдүүддээ илүү их амжилт хүсэн ерөөе!

Мэдээ Мэдээлэл

ЭЦЭГ ЭХЧҮҮД ХҮҮХДИЙНХЭЭ ТӨРСӨН ӨДРӨӨР АМАРНА

Published

2 years ago

December 17, 2019

Nyamkhuu khentii

Хэнтий аймгийн засаг дарга бөгөөд Хүүхдийн төлөө зөвлөлийн тэргүүн Н.Ганбямба : Гэр бүл, хүүхэд, залуучуудын хөгжлийн газрын санаачилсан 🎂“Эцэг эхчүүд хүүхдийнхээ төрсөн өдрөөр цалинтай амрах”🎂 саналыг Хүүхдийн төлөө зөвлөлийн хурлын шийдвэрийн дагуу А/589 дүгээр захирамж гарган баталлаа. 🥳Ингэснээр 0-18 насны хүүхэдтэй ээж аавууд хүүхдийнхээ төрсөн өдрөөр цалинтай амрах юм. 👨‍👨‍👧‍👧Ийнхүү эцэг эхчүүд үр хүүхдүүдтэйгээ аз жаргалтай хором мөчөө хуваалцах боломж нэгээр нэмэгдэж байна. Энэхүү шийдвэр нь Хэнтий аймгийг 2020 онд Хүүхдэд ээлтэй орон нутаг болгох зорилтын эхлэлийг тавьсан ажил боллоо.🎊

Залуучуудын хөгжил оролцоо

“Нөхөрлөл-2019” урлаг, спортын тэмцээн дүнгээ гаргалаа

Published

2 years ago

November 23, 2019

Nyamkhuu khentii

Хэнтий аймгийн Засаг даргаар ахлуулсан Залуучуудын зөвлөлөөс Залуучуудын хөгжлийг дэмжих тухай хуулийн хүрээнд Хэрлэн сумын Төрийн болон төрийн бус байгууллага, ААН-ийн залуучуудын дунд дунд зохион байгуулсан #НӨХӨРЛӨЛ_2019” урлаг спортын тэмцээн амжилттай болж өнөөдөр дүнгээ гаргалаа. Тус тэмцээнд 15-н багийн 200 гаруй тамирчид өрсөлдөж шилдгүүд тодорлоо.
____________________________________
Байр эзлэлт:

1-р байрт #Ус_Цаг_Уур_Орчины_Шинжилгээний_төв

· “Дэвжээ” тэмцээний 1-р байр
· “Дартс” эмэгтэй төрөл 1-р байр
· “Шатар” эмэгтэй төрөл 1-р байр
· “Бүжиг”-ийн тэмцээний 1-р байр

2-р байр #Онцгой_байдлын_газар
· “Дэвжээ” тэмцээний 2-р байр
· “Гар бөмбөг” 2-р байр
· “Теннис” эрэгтэй төрөл 3-р байр
· “Дартс” эрэгтэй төрөл 3-р байр
· “Дартс” эмэгтэй төрөл 2-р байр
· “Бадминтон” 1-р байр

3-р байр #Тэмүүжин‘ Цогцолбор Сургууль
· “Гар бөмбөг” 1-р байр
· “Шатар” эрэгтэй төрөл 1-р байр
· “Шатар” эмэгтэй төрөл 2-р байр
· “Бадминтон” 3-р байр тус тус байр эзэллээ.

“НӨХӨРЛӨЛ” тэмцээн жил бүр уламжлал болгон зохион байгуулагдах юм.

Тэмцээнд оролцсон нийт байгууллага, хамт олондоо талархал илэрхийлье.👍👏👏👏