Connect with us
nuudel

Мэдээ Мэдээлэл

Хүүхдийн_урлагийн_ЯРГУЙ_наадам_эхэллээ

Published

on

Урлагаар дамжуулан хүүхдийг хөгжүүлэх, ёс суртахууны хүмүүжил, төлөвшил олгох, мөн орон нутгийн зан заншил, соёл урлагтай танилцуулах, өвлүүлэн үлдээхийг зорьж, суралцагчид харилцан бие биетэйгээ танилцаж, туршлага солилцох, суралцах боломж олгох зорилгоор зохион байгуулдаг ЕБС-ийн дундах “Яргуй” хүүхдийн урлагийн наадам эхэллээ. Наадмын нээлтийн арга хэмжээ Чингисийн талбайд өргөн дэлгэр болж өндөрлөлөө. Нээлтийн арга хэмжээний үеэр Яргуй наадамд оролцох сурагчдын баярын жагсаал болж, Яргуй наадмын тугийг хүндэтгэлтэйгээр мандууллаа. Туг залах хүндтэй үүргийг аймаг, орон нутгийнхаа нүүр царай болсон шилдэг сурагчид болох Тэмүүжин цогцолбор сургуулийн сурагч Д.Маргад, Хэрлэн 4-р сургуулийн сурагч М.Түвшинхүү, Бор-Өндөр цогцолбор сургуулийн сурагч И.Мурат, Өмнөдэлгэр сумын дунд сургуулийн сурагч М.Тогтуун, Хан Хэнтий цогцолбор сургуулийн сурагч Ч.Бүтэнбаяр нар хүлээж, наадмын тугийг хүндэтгэлтэйгээр мандууллаа. Наадамд 23 сургуулийн 900 сурагч, 200 багш Хэнтий аймгийн өнцөг булан бүрээс ирж оролцож байна.
Наадмын шүүгчдээр Монгол улсын төрийн соёрхолт, урлагийн гавьяат зүтгэлтэн, найруулагч Сэвжидийн Сүхбаатар, Монгол улсын гавьяат жүжигчин, Улаанбаатар чуулгын уртын дуучин Г.Хонгорзул, Монгол улсын консерваторийн дуулаачийн факультетийн эрхлэгч, МУСТА Ч.Чинзориг, ардын дуу бүжгийн Хан Хэнтий чуулгын дууны багш, хөгжмийн зохиолч, МУСТА Б.Энхбаяр, Гэр бүл, хүүхэд, залуучуудын хөгжлийн газрын дарга Б.Энх-Эрдэнэ нар ажиллаж байна.
Тоглолт 2 өдрийн турш үргэлжилж, шилдгүүдийн Гала тоглолт, улаан хивсний ёслол, шагнал гардуулах ажиллагаа 5-р сарын 11-нд болно.

Яргуй наадмын тоглолтыг LIVE -аар шууд дамжуулж байгаа тул манай Fage хуудсаар хандаж үзэх боломжтой

https://www.facebook.com/khentii.gbhzhg/

Continue Reading
Click to comment

Leave a Reply

Your email address will not be published. Required fields are marked *

Мэдээ Мэдээлэл

ГЭР БҮЛ, ХҮҮХЭД, ЗАЛУУЧУУДЫН САЛБАРЫН ЗҮҮН БҮСИЙН СУРГАЛТ ХЭНТИЙ АЙМАГТ БОЛЛОО

Published

on

ХНХЯ-ны захиалгаар Гэр бүл, хүүхэд, залуучуудын хөгжлийн газартай хамтран зохион байгуулж буй Гэр бүл, хүүхэд, залуучуудын салбарын Зүүн бүсийн сургалт Хэнтий аймагт 2019 оны 10 дугаар сар 14,15,16-ны өдрүүдэд боллоо. Зүүн бүсийн сургалтад Дорнод, Сүхбаатар аймгийн ГБХЗХГ-ын ажилтан, албан хаагчид хүрэлцэн ирж хамрагдсан юм. Оролцогчид Хүүхдийн эрх болон хүүхэд хамгааллын эрх зүйн асуудал, Гэр бүл бодлого, түүний хууль, эрх зүйн асуудал, Залуучуудын хөгжлийн хууль, эрх зүйн асуудал гэх мэт 9 модуль буюу 36 академик цагийн сургалтыг судаллаа. Тус сургалтыг Азийн хөгжлийн банкны Хүнс, тэжээл, нийгмийн халамжийн нэмэлт санхүүжилт төслийн дэмжлэгтэйгээр зохион байгуулсан юм.

Continue Reading

Залуучуудын хөгжил оролцоо

МОНГОЛ ТЭМҮҮЛЭЛ хөтөлбөр Хэнтий аймагт

Published

on

МОНГОЛ_ТЭМҮҮЛЭЛ ирээдүйн эзэд 2019 мэргэжил сонголтын аян #Хэнтий аймагт амжилттай зохион байгуулагдлаа.
Засгийн газрын хэрэгжүүлэгч агентлаг Гэр бүл, Хүүхэд, Залуучуудын хөгжлийн газраас өсвөр насны хүүхдүүдэд ирээдүйд эзэмших мэргэжлээ зөв сонгохтой холбоотой мэдээлэл өгөх, ахлах ангийн сурагчдад эрсдэлээс урьдчилан сэргийлэх, өрсөлдөх чадварыг нэмэгдүүлэх, мэргэжил сонголтод арга зүйн дэмжлэг үзүүлэх зорилгоор тус аяныг 3 дахь жилдээ үндэсний хэмжээнд зохион байгуулж байна.
Үйл ажиллагаанд Аймгийн Засаг даргын орлогч Г. Хэрлэнчулуун, ГБХЗХГ-ын дарга Б. Энх- Эрдэнэ, “Нийгмийн ардчилал” МОХ-ны Ерөнхийлөгч Г.Батдорж, “Оюунлаг” клубын үүсгэн байгуулагч Н.Булгантамир, Залуу уран бүтээлч З.Ариунжаргал нар оролцлоо.
Тус аяны хүрээнд ахлах ангийн сурагчдад хувь хүний манлайлал, шийдвэр гаргах чадвар, зорилго мөрөөдөлдөө хүрэх арга зам, мэргэжлээ зөв сонгох зэрэг илтгэл, лекцийг сурагчдад хүргэлээ.
Мөн ирээдүйд эзэмших мэргэжлээ зөв сонгох, шийдвэр гаргах чадварт суралцсан ЕБС-ийн ахлах ангийн 350 сурагчид болон үр дүнтэй мэдлэг, мэдээлэл хүргэсэн багш нартай талархал илэрхийлье.👏👏👏

Continue Reading

Мэдээ Мэдээлэл

Урьдчилан сэргийлэх мэдээлэл байршууллаа

Published

on

Чингис хотын хүүхэд багачуудын өргөнөөр үйлчлүүлдэг чиглэлийн 8 автобусанд хүүхдүүдэд эрсдэлээс урьдчилан сэргийлэх мэдлэг олгох зорилгоор аюулгүйн дүрмүүдийг, насанд хүрэгчдэд зориулан “Хүүхэд хүмүүжлийн эерэг арга” мэдээллийг, 108 утасны сурталчилгааг цувралаар байршууллаа. Хүүхэд хамгааллын санаачилгыг дэмжин хамтран ажилласан Хэрлэн сумын ЗДТГ, Хот тохижилтын хамт олонд талархал илэрхийлье.

Continue Reading

Facebook

Бусад категорууд

Trending