ГБХЗХГ, ДЗМОУБ Бор-Өндөр 2 хөгжлийн хөтөлбөртэй хамтран Баян-Адарга, Өмнөдэлгэр, Биндэр сумд, Гурванбаян тосгоны гэрээр айлчлагчдыг чадавхжуулах сургалтыг 4 дүгээр сарын 5,6-ны өдрүүдэд Өмнөдэлгэр, Баян-Адарга сумдад тус тус зохион байгууллаа. Сургалтаар “Гэр бүлийн хөгжлийн талаар баримталж буй бодлого, тулгамдаж буй асуудал”, “Хэнтий аймгийн хүүхдийн аж байдал-2018”, “Хүүхэдтэй зүй бус харьцахаас сэргийлэх нь”, “Хүүхдийн эрх зөрчигдөх асуудалд арга хэмжээ авах, холбон зуучлах нь” сэдвээр мэдээллүүд хүргэж, “Гэрээр айлчлах аргачлал”, “Сонгож авсан гэр бүлтэй холбоо харилцаа тогтоох нь, түүнд анхаарах асуудлууд”, “Гэр бүлийн хэв маяг талаас хөтөлбөрт хамруулах өрхөд тулгамддаг асуудлуудыг тодорхойлох нь” “Өрхийн нөхцөл байдлын үнэлгээ хийх нь”, “Өрхийн сайн сайхан байдлын төлөвлөгөөг боловсруулах нь” сэдвүүдээр аргачлалын үндсэн сургалтыг онолоор болон дадлага ажлаар өгч чадавхжууллаа.
Мөн Өмнөдэлгэр, Биндэр сумд, Гурванбаян тосгонд “Гэрээр айлчлах аргачлал хэрэгжиж буй үйл ажиллагааны танилцуулга”-аар нийгмийн бодлогын түшмэлүүд мэдээлэл хийж харилцан туршлага солилцлоо. Тус сургалтанд сумдын 49 хүн хамрагдсан бөгөөд сургагч багшаар ГБХЗХГ мэргэжилтэн Ц.Алтантуяа, ДЗМОУБ БО-2 хөтөлбөрийн ажилтан Ц.Үүрцайх нар ажиллалаа.

III/26,27,28-ний өдрүүдэд Хэнтий аймгийн МСҮТ–өөс зохиож буй “ Бид нэг ангийнхан” аяны хүрээнд Гэр бүл, хүүхэд, залуучуудын хөгжлийн газар хамтран оролцож, мэргэжлийн ангийн 50 оюутан залуучуудад “ Амьдрах ухааны чадвар” сургалтыг зохион байгууллаа. Сургалтаар “ Стресс тайлах арга зам”, “ Тунгаан бодох”, “Төлөвлөлт” сэдвүүдээр аргачлалын үндсэн сургалтыг онолоор болон дадлага ажлаар өгч чадваржууллаа. Сургагч багшаар ГБХЗХГ-ийн сургалт хариуцсан ажилтан Ц. Дуламсүрэн, МСҮТ-ийн харилцааны багш Э. Алтанцэцэг нар хамтран ажиллаа.. Сургалтдаа идэвхтэй оролцсон МСҮТ-ийн мэргэжлийн ангийн оюутан залуучууддаа талархлаа.

2019 оны 03 сарын 28-ны өдөр Хэрлэн сумын ерөнхий боловсролын сургууль, МСҮТ, цэцэрлэгийн багш ажилтнуудад зориулсан “Хүүхэд хамгаалал, хүүхэдтэй зүй бус харилцахаас сэргийлэх нь” сэдэвт сургалтыг ГБХЗХГ-аас зохион байгууллаа. Сургалтыг МУБИС-ийн Нийгмийн ажлын тэнхмийн ахлах багш Ж.Нямдорж удирдан явуулсан ба албан байгууллагуудын эцэг эхийн зөвлөлийн гишүүд, Хан хэнтий цогцолбор сургууль, Тэмүүжин цогцолбор сургууль, Эрдэм баян 4-р сургууль, МСҮТ, Хэрлэн сумын 8 цэцэрлэгийн 287 багш, ажилчид, төрийн албан хаагчид уг сургалтад хамрагдлаа.