Гэр бүл, хүүхэд, залуучуудын хөгжлийн газрын дэргэдэх Гэр бүл, Залуучуудын хөгжлийн төвүүд 2018 оны 11 дүгээр сараас тогтмол үйл ажиллагаагаа явуулж эхэлсэн. Тус төвүүдээр дамжуулан гэр бүл болон 15-34 насны залуучууд амьдрах ухааны бүх төрлийн сургалт авч, зөвлөгөө мэдээллээр хангагдан, үнэ төлбөргүй фитнессээр хичээллэж, сонирхлын клубүүдэд нэгдэх боломжтой юм. Энэхүү төвүүдийн үйл ажиллагааг өргөжүүлэн, сурталчилах үүднээс долоо хоног бүрийн ажлын өдрүүдээр “ТАНИЛЦАХ ӨДӨРЛӨГ”-ийг зохион байгуулахаар эхлүүлж байна. Албан байгууллага аж ахуй нэгжүүд манай төвүүдтэй танилцаж хөгжлийн олон талт сургалтад хамрагдан, хамт олноороо халуун дулаан яриа өрнүүлж, сонирхолын клубүүдэд нэгдээрэй.
