Мэдээ Мэдээлэл

“ТЭМҮҮЛЭЛ-14” урлагийн наадам боллоо

Published

7 months ago

May 27, 2019

“ТЭМҮҮЛЭЛ-14” ТУСГАЙ ХЭРЭГЦЭЭТ ХҮҮХДИЙН УРЛАГИЙН НААДАМ ЗОХИОН БАЙГУУЛАГДЛАА.

Хөгжлийн бэрхшээлтэй хүүхэдтэй эцэг эхийн холбооноос санаачлан жил бүрийн 5 сард зохион байгуулдаг “Тэмүүлэл” урлагийн наадам уламжлал ёсоор зохион байгуулагдлаа. Тус наадам нь хүүхэд багачуудын авъяас чадварын нээн хөгжүүлэх, урлагийн амьдралд ойртуулах, нийгмийн харилцаанд тэгш эрхтэйгээр оролцох боломжийг хангах зорилготой зохион байгуулагддаг билээ. Энэ жилийн наадмын ерөнхий зохион байгуулагчаар Гэр бүл хүүхэд залуучуудын хөгжлийн газар, Хөгжлийн бэрхшээлтэй хүүхдийн эцэг эхийн холбоо, Хэнтий аймагт хэрэгжиж байгаа хөгжлийн бэрхшээлтэй хүүхдийн тусгай төсөл ажиллалаа. Ивээн тэтгэгчээр Аймгийн Засаг даргын Тамгын газар, Хэрлэн сумын Засаг даргын Тамгын газар, Гэр бүл Хүүхэд залуучуудын хөгжлийн газар, Эрүүл мэндийн газар, Дэлхийн Зөн Монгол ОУБ-ын Бор-Өндөр 2 хөгжлийн хөтөлбөрүүд тус тус ажиллалаа.
Арга хэмжээний нээлтэнд АЗДТГ-ын Нийгмийн бодлогын хэлтсийн дарга Г.Лхагвахатан, Гэр бүл хүүхэд залуучуудын хөгжлийн газрын дарга Б.Энх-Эрдэнэ, Хөгжлийн бэрхшээлтэй хүүхдийн эцэг эхийн холбооны тэргүүн Б.Оюунчимэг, ДЗөн Швейцарь ОУБ-ын монголыг хариуцсан хөтөлбөрийн менежер А.Мөнхцэцэг, ДЗМОУБ-ын Бор-Өндөр 2 ОНХХ-ийн багийн ахлагч Г.Жаргалбат, Хөгжлийн бэрхшээлтэй хүүхдийн тусгай төслийн ажлын хэсэг тус тус ажиллалаа. Наадам 3-12 нас, 13-18 насны ангилалаар зохион байгуулагдсан бөгөөд Баян-Адарга, Баян-Овоо, Бор-Өндөр, Өмнөдэлгэр, Дэлгэрхаан, Дадал, Бэрх, Баянмөнх, Өлзийт, Галшар, Хэрлэн гэсэн 11 сумаас нийт 31 хүүхэд оролцсон юм.
Тэмцээний шүүгчдээр АЗДТГ-ын НБХ-ийн мэргэжилтэн Н.Золбоо, Аймгийн Гэр бүл хүүхэд залуучуудын хөгжлийн газрын мэргэжилтэн Ц.Алтантуяа, Аймгийн БСУГ-ын СӨБ-ын мэргэжилтэн Мөнгөнбаяр нар ажилласан юм. Тэмцээний Тусгай байранд М.Аясулу /Өлзийт/, Х.Сугаррагчаа /Баян-Овоо/, Алдар /Хэрлэн су/м, Б.Шижирбаатар /Баян-адарга/, Хүрэл медалиар НТБТөвийн “Од” бүлэг, Хонгорзул /Хэрлэн сум/, Т.Анхцэцэг /Өлзийт/, Амгалан /Галшар/, Н.Мандухай /Жаргалтхаан/, Б.Билгүүн /Өмнөдэлгэр/, М.Энхмөнх /Дэлгэрхаан/, Мөнгөн медалиар Анужин /Гурванбаян/, Л.Чинхүслэн /Өмнөдэлгэр/, Б.Аззаяа /Бор-Өндөр/, Алтан медалиар С.Гүнжлхам /Бэрх/, У.Болд-Эрдэнэ /Дадал сум/ нар тус тус шалгарлаа. Мөн энэхүү наадмын үеээр Гар зургийн уралдааны дүн гарч шилдэг зургаар НТБ-ийн төвийн суралцагч Б.Бямбахатан, Мишээл, Хан хэнтий ЦС-ийн сурагч Э.Хүслэн нар шалгарч гарын бэлгээр шагнагдсан юм. Наадмын ивээн тэтгэгчээр Хэнтий нутгийн уугуул хувиараа бизнес эрхлэгч Ц.Лхагвасүрэн ажиллаж, оролцсон үзэхээр ирсэн бүх хүүхдүүдэд гарын бэлэг гардууллаа.

Залуучуудын хөгжил оролцоо

“Нөхөрлөл-2019” урлаг, спортын тэмцээн дүнгээ гаргалаа

Published

3 weeks ago

November 23, 2019

Nyamkhuu khentii

Хэнтий аймгийн Засаг даргаар ахлуулсан Залуучуудын зөвлөлөөс Залуучуудын хөгжлийг дэмжих тухай хуулийн хүрээнд Хэрлэн сумын Төрийн болон төрийн бус байгууллага, ААН-ийн залуучуудын дунд дунд зохион байгуулсан #НӨХӨРЛӨЛ_2019” урлаг спортын тэмцээн амжилттай болж өнөөдөр дүнгээ гаргалаа. Тус тэмцээнд 15-н багийн 200 гаруй тамирчид өрсөлдөж шилдгүүд тодорлоо.
____________________________________
Байр эзлэлт:

1-р байрт #Ус_Цаг_Уур_Орчины_Шинжилгээний_төв

· “Дэвжээ” тэмцээний 1-р байр
· “Дартс” эмэгтэй төрөл 1-р байр
· “Шатар” эмэгтэй төрөл 1-р байр
· “Бүжиг”-ийн тэмцээний 1-р байр

2-р байр #Онцгой_байдлын_газар
· “Дэвжээ” тэмцээний 2-р байр
· “Гар бөмбөг” 2-р байр
· “Теннис” эрэгтэй төрөл 3-р байр
· “Дартс” эрэгтэй төрөл 3-р байр
· “Дартс” эмэгтэй төрөл 2-р байр
· “Бадминтон” 1-р байр

3-р байр #Тэмүүжин‘ Цогцолбор Сургууль
· “Гар бөмбөг” 1-р байр
· “Шатар” эрэгтэй төрөл 1-р байр
· “Шатар” эмэгтэй төрөл 2-р байр
· “Бадминтон” 3-р байр тус тус байр эзэллээ.

“НӨХӨРЛӨЛ” тэмцээн жил бүр уламжлал болгон зохион байгуулагдах юм.

Тэмцээнд оролцсон нийт байгууллага, хамт олондоо талархал илэрхийлье.👍👏👏👏

Мэдээ Мэдээлэл

“Үлгэрч ээж, аав” тэмцээний нэвтрүүлэг тун удахгүй…

Published

1 month ago

November 13, 2019

Nyamkhuu khentii

“Үлгэрч ээж, аав” тэмцээний нэвтрүүлэг тун удахгүй…

Залуучуудын хөгжлийг дэмжих аяны хүрээнд 11 сарын 11-ны өдрийг “Үлгэрч ээж, аав”-ын өдөр болгон тэмдэглэх болсон. Үүнтэй холбогдуулан Хэрлэн сумын цэцэрлэгийн багш, эцэг эхчүүдийн дунд “Үлгэр хэн сайн ярих вэ” тэмцээн зохион байгуулсан бөгөөд “Өндөрхаан” телевизтэй хамтран нэвтрүүлэг хийсэн тул тун удахгүй олон нийтэд хүрэх болно.

Мэдээ Мэдээлэл

Эдгээр 10 зүйлийг хийж бай

Published

1 month ago

November 12, 2019

Nyamkhuu khentii

Эдгээр 10 зүйлийг хийж бай – тэгээд хүүхдүүдийнхээ ирээдүйд санаа зовох хэрэггүй болно
Орчин үед хүүхэд өсгөн хүмүүжүүлэх ажил их хүнд болжээ. Энэ бол эцэг, эхийн үүрэг мөн: бид өнөөдөр хүүхдүүддээ нөлөөлснөөр түүний ирээдүйг тодорхойлох болно.

Хүүхдүүд – алс ирээдүйн ертөнцийг босгох бидний залгамж хойч үе, тийм ч учраас тэднийгээ зөв чиглэлд нь оруулах нь бидний үүрэг. Хүн болгон өөрийн гэсэн хүмүүжлийн арга барил, дүрэмтэй байдаг, энэ нь ч хэвийн зүйл. Хүүхэд, томчуудын дунд ялгаа их бий. Гэхдээ томчуудын заавал мөрдөж байх ёстой үндсэн зарчмууд гэж байх ажээ.

Тэрхүү 10 дүрэм бол:

1. Өөрийн тань буруу байвал хүүхдүүдээсээ уучлалт гуйж байгаарай.

2. Өөрийгөө хүүхдээс насаар ахимаг учраас илүү ухаантай гэж бүү бод.

3. Хүүхдүүд тань танд болон бусдад сайн үйл хийвэл үүнд нь заавал талархаж байгаарай.

4. Хийсэн алдаагаа хүлээн зөвшөөрч бай, хүүхдүүдээсээ бүү нуу.

5. Хүүхдүүдээ сонсож бай. Тэднийг хэзээ ч битгий үл тоосон байдал гаргаж байгаарай.

6. Биеэ авч явах хил хязгаарын заагийг тогтоож бай.

7. Өөрөө үлгэр дуурайлал бол.

8. Өрөвдөх, хайрлах, хайраа илэрхийлэхэд нь сурга.

9. Аливаа үйлдэл (сайн болон муу) араасаа дагуулах үр дагавартай гэдгийг ойлгуул.

10. Хүүхдүүдтэйгээ харилцаж байгаа харилцаанаас таашаал авч бай. Хүмүүжил – том хариуцлага бөгөөд үнэ цэнэтэй зүйл юм шүү.

Эх сурвалж: news.xopom.com/251499/ © XopoM News