Connect with us
nuudel

Мэдээ Мэдээлэл

Анх удаа ОХИД ЧУУЛЛАА

Published

on

Нэгдсэн Үндэсний Байгууллагын Ерөнхий Ассамблей 2011 оны 12-р сарын 20-нд албан ёсоор “Олон Улсын Охидын Өдөр”-ийг жил бүрийн 10-р сарын 11-нд тэмдэглэж байхыг тунхагласан байна. Энэхүү өдрийг жил бүр дэлхий нийтээр тодорхой уриалга чиглэлийн дор тэмдэглэн өнгөрүүлдэг бөгөөд энэ жил “Охидын_хүч_тасралтгүй_үргэлжилсээр” уриатайгаар 7 дахь жилдээ тэмдэглэж байна.

Өнөөдөр Хэнтий аймгийн Хан Хэнтий чуулгад ОХИДОО_ХҮНДЭТГЭЕ” чуулган зохион байгуулагдлаа. Чуулганд ЕБС, Политехникийн коллеж, сумдын ЕБС-ийн 300 орчим охид нэгдэн оролцлоо.

Чуулганы арга хэмжээнд Аймийн ИТХ-ын дарга Л.Батсайхан, Аймгийн Засаг даргын орлогч Г.Хэрлэнчулуун, Гэр бүл, хүүхэд, залуучуудын хөгжлийн газрын дарга- Б.Энх-Эрдэнэ, БСУГ-ын дарга С.Мөнхцэцэг, “Охидын түүх” ТББ-ын тэргүүн Э.Цэцэгсайхан нар хүрэлцэн ирсэн юм.

ХАМТРАН_ЗОХИОН_БАЙГУУЛСАН:
ДЗМОУБ_Бор-Өндөр2 хөтөлбөр
Боловсрол соёл урлагийн газар
ЗДТГ

Энэ үеэр ГБХЗХГазар, БСУГазар, ЭМГазрууд охидод цаг үеийн мэдээ мэдээллийг өгч Аймгийн Засаг даргын орлогч Г.Хэрлэнчулуун охиддоо хандан хүүхэд насныхаа нандин дурсамжаас хуваалцан, үлгэр дуурайлал үзүүллээ. Чуулганы хамгийн гол зорилго бол сум орон нутаг төдийгүй төвийн сургуулийн охидод тулгамдаж буй асуудлуудыг сонсох, шийдвэрлэх түвшинд уламжлах явдал байсан ба охидын зүгээс нийт 50 орчим санал ирсэн юм. Тэдний саналаас товч дурдвал: Үе тэнгийн дарамт, хорт зуршлаас сэргийлэх, хүнсний аюулгүй байдал, сургуулийн дүрэмт хувцас, охидын аюулгүй байдал, ялгаварлан гадуурхалт, хувь хүний үзэл бодол, ёс зүй, хүүхдүүд хоорондын харилцаа хандлагын талаар санал, санаачлага дэвшүүлж, үзэл бодлоо илэрхийлж удирдлагуудаас зарим асуудлыг шийдвэрлэж өгөх тухай хүсэлт тавьж байсан юм. Чуулганы төгсгөлд ТЦС-ын 10б ангийн сурагч О.Түмэндолгор “Охиддоо хандаж хэлэх үг” сэдвээр илтгэл сонсгосон нь танхим дүүрэн охидод үлгэр дуурайлал болж охид баяр хүргэж байлаа. Ийнхүү охидоос бичгээр 300 гаруй санал хураан авсан бөгөөд тус саналыг эрэмбэлэн аймгийн Хүүхдийн төлөө зөвлөлийн хурлаар хэлэлцүүлэх асуудалд тусган оруулах юм.

Continue Reading
Click to comment

Leave a Reply

Your email address will not be published. Required fields are marked *

Мэдээ Мэдээлэл

“Үлгэрч ээж, аав” тэмцээний нэвтрүүлэг тун удахгүй…

Published

on

“Үлгэрч ээж, аав” тэмцээний нэвтрүүлэг тун удахгүй…

Залуучуудын хөгжлийг дэмжих аяны хүрээнд 11 сарын 11-ны өдрийг “Үлгэрч ээж, аав”-ын өдөр болгон тэмдэглэх болсон. Үүнтэй холбогдуулан Хэрлэн сумын цэцэрлэгийн багш, эцэг эхчүүдийн дунд “Үлгэр хэн сайн ярих вэ” тэмцээн зохион байгуулсан бөгөөд “Өндөрхаан” телевизтэй хамтран нэвтрүүлэг хийсэн тул тун удахгүй олон нийтэд хүрэх болно.

Continue Reading

Мэдээ Мэдээлэл

Эдгээр 10 зүйлийг хийж бай

Published

on

Эдгээр 10 зүйлийг хийж бай – тэгээд хүүхдүүдийнхээ ирээдүйд санаа зовох хэрэггүй болно
Орчин үед хүүхэд өсгөн хүмүүжүүлэх ажил их хүнд болжээ. Энэ бол эцэг, эхийн үүрэг мөн: бид өнөөдөр хүүхдүүддээ нөлөөлснөөр түүний ирээдүйг тодорхойлох болно.

Хүүхдүүд – алс ирээдүйн ертөнцийг босгох бидний залгамж хойч үе, тийм ч учраас тэднийгээ зөв чиглэлд нь оруулах нь бидний үүрэг. Хүн болгон өөрийн гэсэн хүмүүжлийн арга барил, дүрэмтэй байдаг, энэ нь ч хэвийн зүйл. Хүүхэд, томчуудын дунд ялгаа их бий. Гэхдээ томчуудын заавал мөрдөж байх ёстой үндсэн зарчмууд гэж байх ажээ.

Тэрхүү 10 дүрэм бол:

1. Өөрийн тань буруу байвал хүүхдүүдээсээ уучлалт гуйж байгаарай.

2. Өөрийгөө хүүхдээс насаар ахимаг учраас илүү ухаантай гэж бүү бод.

3. Хүүхдүүд тань танд болон бусдад сайн үйл хийвэл үүнд нь заавал талархаж байгаарай.

4. Хийсэн алдаагаа хүлээн зөвшөөрч бай, хүүхдүүдээсээ бүү нуу.

5. Хүүхдүүдээ сонсож бай. Тэднийг хэзээ ч битгий үл тоосон байдал гаргаж байгаарай.

6. Биеэ авч явах хил хязгаарын заагийг тогтоож бай.

7. Өөрөө үлгэр дуурайлал бол.

8. Өрөвдөх, хайрлах, хайраа илэрхийлэхэд нь сурга.

9. Аливаа үйлдэл (сайн болон муу) араасаа дагуулах үр дагавартай гэдгийг ойлгуул.

10. Хүүхдүүдтэйгээ харилцаж байгаа харилцаанаас таашаал авч бай. Хүмүүжил – том хариуцлага бөгөөд үнэ цэнэтэй зүйл юм шүү.

Эх сурвалж: news.xopom.com/251499/ © XopoM News

Continue Reading

Залуучуудын хөгжил оролцоо

Өнөөдөр “ҮЛГЭРЧ ЭЭЖ, ААВ”-ын өдөр

Published

on

Залуу гэр бүлүүдэд түүх, соёлын өвийг хамгаалах, ардын урлаг, ёс заншил, уламжлалт зан үйлийг өвлүүлэх залуучуудын оролцоог дэмжих, гэр бүлийн таатай уур амьсгалыг бүрдүүлэх хүүхдийн хүмүүжилд эерэгээр нөлөөлөх зорилгоор жил бүрийн 11 дүгээр сарын 11-ний өдрийг улс орон даяар “Үлгэрч аав, ээж”-ийн өдөр болгон тогтмол тэмдэглэн өнгөрүүлэх уриалгыг гаргасан. Энэхүү уриалгад Хэрлэн сумын цэцэрлэгүүд нэгдэн үйл ажиллагаа зохион байгуулж байна.

Continue Reading

Facebook

Бусад категорууд

Trending